Opozita italiane ka reaguar pas deklaratës së kryeministres Georguia Meloni, e cila mbështeti publikisht Edi Ramën, pas reportazhit të RAI 3.
Anëtarët e Partisë Demokratike të Komisionit Mbikëqyrës dydhomësh të RAI-t shprehën solidaritet me të gjithë redaksinë e Report-it, teksa theksonin se janë akuzuar padrejtësisht nga kryeministrja për linçim.
“Solidaritet me të gjithë redaksinë e Report-it të akuzuar padrejtësisht nga kryeministrja për linçim. Për Melonin, çdo thashethem jashtë propagandës së Palazzo Chigi është një sulm ndaj lidershipit të tij. Në vend që t’u shpjegojë italianëve humbjen e madhe të fondeve për marrëveshjen Itali – Shqipëri sulmon transmetuesin publik”, – thuhet në një deklaratë të anëtarëve të PD-së.
Mbi ngjarjen ka reaguar edhe ngelo Bonelli, deputeti i Aleancës së Gjelbër dhe të Majtë.
“Meloni si Apate, perëndesha e mashtrimit. Ajo që tha sot nga Pescara është një asgjë absolute, ajo flet për diçka që nuk ekziston. Kryeministrja kërkon të manipulojë realitetin duke sulmuar edhe gazetarinë investigative, si në rastin e Report dhe solidarizohet me kryeministrin Rama pa dhënë përgjigje për Demokracinë e mjerë dhe Italinë e mjerë që po qeveriset nga ata që e shohin botën me perde”, – shkroi ai.
