Simon Hattenstone, shkrimtari dhe gazetari veteran i The Guardian e ka intervistuar këngëtaren shqiptare me famë botërore, Dua Lipa. Këngëtarja ka treguar se si nga një “meme poshtëruese” që kërcënonte ta errësonte suksesin e saj rekord, arriti të mbërrinte në maje të skenës muzikore globale.
Dua Lipa, në moshën 28-vjeçare, tashmë është kolosale. Albumi i saj i fundit, Future Nostalgia, ishte albumi i tretë më i shitur në Mbretërinë e Bashkuar në vitin 2020 dhe albumi i 10-të më i madh në botë atë vit me 3.3 milionë shitje. Ajo krijoi katër këngët më të mira në Mbretërinë e Bashkuar – Don’t Start Now, Physical, Levitating dhe Break My Heart. Ajo ka fituar shtatë çmime Brit dhe tre Grammy, dhe ka 88.6 milionë ndjekës në Instagram.
Por tani ylli i popit, kantautorja, producentja është në prag të diçkaje edhe më të madhe, shkruan The Guardian.
Është një vit i madh për ju, them unë – i thotë gazetari 61-vjeçar këngëtares shqiptare.
“Po, është masiv” thotë Dua, e cila thotë se nuk mund ta besojë se kjo po i ndodh në jetë.
“Çfarë nuk mund të besoni?”, e pyet gazetari.
“Vetëm sa larg kam arritur”, përgjigjet Dua.
Është Lipa klasike – e sigurt, këmbëngulëse dhe pak mbrojtëse. “Unë nuk jam e befasuar”, thotë ajo, “Unë jam thjesht e emocionuar që kam ardhur në këtë pikë”, shkruan Hattenstone.
The Guardian shkruan se Dua Lipa lindi në Londër nga prindër shqiptarë kosovarë të cilët u larguan nga Kosova në vitin 1992, menjëherë pasi Jugosllavia ishte shpërbërë dhe në një kohë të diskriminimit në rritje ndaj shqiptarëve. Nëna e saj, Anesa, fëmija i një babai kosovar dhe nënës boshnjake, u trajnua si avokate. Babai i saj, Dukagjini, është djali i Seit Lipës, një historian i nderuar dhe ish-drejtues i Institutit të Historisë së Kosovës. Në vitet 1980, Dukagjini ishte anëtar i rock-grupit kosovar Oda, përpara se të kualifikohej si dentist. Në Angli, kualifikimet e tyre ishin të kota, shkruan mediumi i madh britanik.
Dua, më e madhja nga tre fëmijët, u premtua si këngëtare. Ajo ndoqi shkollën e teatrit Sylvia Young në Londër derisa familja u kthye në Kosovë, pasi vendi e shpalli pavarësinë në vitin 2008, kur ajo ishte 11 vjeçe. Deri atëherë, Dukagjini studionte për komunikim masiv në Institutin e Gazetarisë dhe Komunikimit në Kosovë. A kishte qenë grupi i tij i suksesshëm? “Po”, thotë ajo. “Edhe tani, është si një grup kulti”.
ks
