Ferma Vip sapo ka tejkaluar një fundjavë tejet intensive ndërsa gara është maturuar nën efektin e strategjive të rindërtuara. Rikthimi i Valer Kolnikaj-t është shoqëruar me debate të forta që janë nxitur nga provokimet e fermerit. Aleancat janë tronditur, shumë prej tyre po ripozicionohen dhe gjithashtu kanë ndryshuar hamendësimet për personazhet që do të prekin finalen.
Nga ana tjetër, kryefermere Gloria Meshi, sikurëse pritej, ka sjellë në Fermën Vip një ekuilibër të ri autoriteti. Sfidat duket se janë përmbushur me sukses por debatet dhe ngacmimet nuk janë kursyer aspak.
Sakaq, televotimi vijon të jetë i hapur për katërshen që ka patur mjaftueshëm kohë të përballet me gjykimin e publikut. Gjatë spektaklit të kësaj të hëne, duke nisur nga ora 21 në ekranin e Vizion Plus, do të ndiqni sfidën e eliminimit ku do të përballen kokë më kokë dy personazhet më pak të votuar. Albano Bogdo, Florjan Agalliu, Ditea Berisha apo Xhesika Polo, cilët do të jenë ata që do t’i shpëtojnë përballjes?
Ndërkohë, Renis Gjoka pasi mori hajmalinë shpëtuese gjatë prime-t të së premtes, e ka shfrytëzuar bonusin për plotësimin e një dëshire. Bashkëshortja dhe vazja e tij i uruan ditëlindjen duke i’u bashkuar festës në fermë.
Pas 52 ditësh nën kushtet e izolimit, edhe konkurentët e tjerë kanë dhuruar emocione të forta duke treguar për publikun ndjeshmërinë e tyre në raport me njerëzit e zemrës që kanë lënë jashtë.
Sot në mbrëmje, krahas sfidave e debateve janë rezervuar edhe surpriza sikurëse i keni parë vetëm në fermën Vip.
Ndërkohë mos humbisni asnjë detaj duke ndjekur Ferma Vip 1 dhe Ferma Vip 2 në platformën digjitale Tring. /vizionplus.tv
