Justin dhe Hailey Bieber janë gati të mirëpresin fëmijën e tyre të parë.
“Ata kanë një emër që mendojnë se është i përsosur,” tha një burim i brendshëm për ‘People’. “Ata gjithashtu kanë filluar të dekorojnë një çerdhe. Ata mezi presin të takojnë fëmijën.”
Dita kur çifti mësoi se po prisnin fëmijën e tyre të parë ishte “dita më e bukur për ta”, shtoi burimi.
“Të gjithë janë të emocionuar për ta,” vazhdoi ai. “Ata do të jenë prindër të shkëlqyer dhe Justin do të jetë super i përfshirë. Ai është shumë i emocionuar.”
Ata njoftuan shtatzëninë e tyre përmes disa fotografish dhe videosh të postuara në Instagram.
Çifti, i cili u martua në vitin 2018, ka rinovuar betimet e tyre në Hawaii ku Hailey shfaqi barkun e rrumbullakosur.
Hailey u shfaq me një fustan të bardhë Saint Laurent për ceremoninë, ndërsa Justin me një xhaketë dhe kapele. Ata u panë në fotot romantike duke u përqafuar dhe puthur me njëri-tjetrin.
Modelja thuhet se është shtatzënë në muajin e gjashtë.
