Shkencëtarët po zhvillojnë një “kos” me aromë mente, që mund të luftojë një gastroenterit dobësues dhe potencialisht fatal, i cili prek mijëra njerëz në spital çdo vit.
Clostridioides difficile – i njohur gjithashtu si C. diff – është shkaku kryesor i diarresë së marrë nga spitali dhe mund të jetë kërcënues për jetën për pacientët e moshuar. Aktualisht infeksioni trajtohet me antibiotikë, megjithatë këto ilaçe ngadalë po bëhen më pak efektive. Kjo do të thotë se një numër në rritje pacientësh shohin kthimin e C. diff, edhe pas marrjes së antibiotikëve, duke çuar në më shumë vdekje.
Por në një provë historike, pjesërisht të financuar nga qeveria, pacientëve të C. Diff-it do t’u ofrohet një ilaç i parë në llojin e tij, i krijuar për të luftuar simptomat e rënda. Ilaçi, i quajtur OraCAb, është një pije që merret tri herë në ditë e cila përmban qeliza mbrojtëse me antitrupa që kërkojnë C. diff në zorrë. Marrë së bashku me antibiotikë, OraCAb nuk synon të shkatërrojë vetë infeksionin C. diff. Në vend të kësaj, ekspertët besojnë se do t’i ndalojë bakteret të prodhojnë toksina që sulmojnë muret e stomakut.
Prova, e cila do të zhvillohet në Kenia dhe Australi ku virusi është shumë i përhapur, do të fillojë në fillim të vitit të ardhshëm. Ai mbështetet nga Agjencia e Sigurisë Shëndetësore e Mbretërisë së Bashkuar. Ekspertët thonë se, nëse OraCAb i suksesshëm mund të jetë i disponueshëm për NHS-në brenda pesë viteve.
Çdo vit ka rreth 18,000 infeksione C. diff në Angli, shumica e të cilave ndodhin në spitale dhe shtëpi të kujdesit. Përafërsisht një në shtatë nga këto infeksione është vdekjeprurëse. Kjo është zakonisht për shkak se C. diff shkakton një infeksion kërcënues për jetën. Ekspertët thonë se një numër përpjekjesh për të zhvilluar një vaksinë kundër C. diff kanë dështuar, por OraCAb është një qasje e re, e krijuar nga ekspozimi i vazhdueshëm i deleve ndaj C. diff. Delet më pas zhvillojnë antitrupa mbrojtës për të luftuar infeksionet.
Më pas këto antitrupa mblidhen dhe shndërrohen në një ilaç njerëzor, i cili ka teksturën e një kosi ose shurupi të trashë. “Duket si Gaviscon dhe derdhet po ashtu si ai”, thotë Ian Cameron, CEO i MicroPharm, zhvilluesi i ilaçit.
“Ne e kemi testuar te kafshët dhe duket se funksionon shumë mirë.”/DailyMail-Syri.net
