Këngëtari i njohur dhe shumë i dashur për mbarë publikun Alban Skënderaj do të mbajë koncertin “Motiv i jetës time” në stadiumin “Air Albania” ditën e enjte më 6 qershor.
Një koncert që mezi po pritet nga fansat, të cilët sapo morën vesh lajmin nxituan të siguronin biletat për të patur mundësi të shijojnë nga afër magjinë që pritet të dhurojë Alban Skënderaj me këngët e tij.
Ndërkohë këngëtari ka planifikuar që së bashku me përfaqësues nga produksioni të mbajë një konferencë për mediat këtë të martë, dy ditë para koncertet.
Pritet që ndër të tjera në konferencë do të thuhet gjithçka duhet të dinë fansat para koncertit “Motiv”; gjithashtu këngëtari do të ndajë emocionet dhe sigurisht do të zbulojë detaje nga koncerti i madh që ka përgatitur.
Konferenca do të mbahet në orën 09:00.
bal
