Bukuroshja Françeska Rustemi ka rrëmbyer kurorën e bukurisë, duke u shpallur “Miss Universe Albania 2024”. 19-vjeçarja nga Durrësi, e cila ka qenë në kopertinën e revistës “Bordo”, tashmë do të përfaqësojë Shqipërinë në “Miss Universe 2024” në Nikaragua.
Me anë të një postimi në rrjetin e saj social Instagram, Rustemi ndau gëzimin me gjithë ndjekësit e saj, “Nuk është e lehtë të shpreh emocionet që përjetova në skenën magjike të @missuniversealbania
Vendosa të marr pjesë në këtë konkurs bukurie për të përmbushur ëndrrën time dhe ajo, u bë realitet. Falënderime pafund për vlerësimin dhe besimin e treguar për ta përfaqësuar vendin tim në një event kaq të rëndësishëm.
Uroj që ky prezantim të jetë i denjë dhe pse jo ëndrra ime të vijojë dhe të realizohet në vazhdimësi. Ju jam falënderuese dhe mirënjohëse për çdo mesazh për çdo brohoritje …për të gjithë ju që besuat tek UNE! Faleminderit!”, shkroi ajo ndër të gjera teksa falënderoi edhe të gjithë bashkëpunëtorët e saj në këtë rrugëtim.
View this post on Instagram
Ky konkurs i rëndësishëm bukurie u organizua në Pallatin e Kongreseve në Tiranë.
bal
