Tifozët shqiptarë mund të qetësohen pasi sulmuesi Jasir Asani iu bashkua sërish kampit stërvitor të Kombëtares në Kaiserau.
Asani kishte mbetur jashtë fushës për shkak të një dëmtimi në kyçin e këmbës të pësuar gjatë ndeshjes kundër Italisë, por raportet tregojnë se ai është rikuperuar plotësisht.
Ky është një zhvillim i rëndësishëm për kombëtaren shqiptare, pasi përgatiten për përballjen e radhës jetike të Euro 2024 në Grupin B kundër Kroacisë.
Rikthimi i skuadrës në stërvitje të hënën shënoi fillimin e përgatitjeve të tyre për ndeshjen e ardhshme, të planifikuar për të mërkurën në orën 15:00.
Rikthimi i Asanit në formë të plotë forcon opsionet sulmuese të trajnerit Sylvinho.
lokimagazine
