Streamer-i i famshëm amerikan, IShowSpeed ka vizituar sot Tiranën, prej ku ka transmetuar drejtpërdrejt edhe eksperiencën e tij.
Menjëherë qindra të rinj dhe të reja i janë bashkuar “Youtuber”-it që numëron plot 25 milionë ndjekës, dhe miliona të tjerë në Twich.
Speed është pritur edhe nga kryeministri Edi Rama, teksa ka transmetuar “live” të gjithë vizitën e tij në Kryeministri. Rama i ka firmosur atij një libër me pikturat e realizuara prej tij.
Speed, emri i vërtetë i të cilit është Darren Jason Watkins Jr, ka vizituar më pas dyqanin e reperit Noizy, ku i kanë bërë dhuratë disa bluza dhe aksesorë.
Për ta nxjerrë prej butikut, për shkak të numrit të madh të të rinjve që ishin mbledhur aty, është dashur edhe ndërhyrja e sigurisë së stadiumit “Air Albania”.
