Një studim i fundit zbuloi se te vajzat po fillojnë menstruacionet më herët dhe po përjetojnë cikle më të parregullta, të cilat mund të ndikohen nga faktorë si obeziteti dhe kimikatet mjedisore.
Periodat menstruale mund të fillojnë më herët tek brezat e rinj, sipas një studimi të ri, shkruan Euronews Health.
Studimi u botua në revistën shkencore “JAMA Network Open” dhe bazuar në të dhënat nga “Studimi i Shëndetit të Grave” të kompanisë Apple, ku përfshiheshin 71,341 gra.
Studiuesit në SHBA zbuluan se mosha mesatare në të cilën vajzat fillojnë të kenë menstruacione është ulur nga 12.5 vjet për ato të lindura midis 1950 dhe 1969 në 11.9 vjet për ato të lindura midis viteve 2000 dhe 2005.
“Menarka e hershme (cikli i parë menstrual) lidhet me rrezik më të lartë të rezultateve të pafavorshme shëndetësore, të tilla si sëmundjet kardiovaskulare dhe kanceri,” tha Zifan Wang, studiues postdoktoral i Harvardit dhe autori përkatës i studimit.
