Nuk ka sukses pa sakrifica. A janë ato sakrifica të vlefshme? Në disa raste, absolutisht po. Në të tjera, ndoshta jo. Këtu janë disa shembuj ku çmimi që duhet të paguani ia vlen plotësisht nëse kjo do të thotë të realizoni ëndrrat tuaja.
1. Të dilni nga zona e rehatisë
Ëndrrat tuaja nuk do t’ju bien nga qielli. Duhet të dilni nga zona e rehatisë, të jeni aktivë dhe të merrni rreziqe. Do të ndiheni të frikësuar kur të bëni gjëra që nuk i keni bërë më parë. Por nëse ëndrra juaj është në anën tjetër të frikës, nuk keni zgjidhje tjetër veçse të kaloni përmes saj. Për disa, kjo mund të nënkuptojë edhe të flasin në telefon me njerëz, të caktojnë takime dhe të ndërveprojnë ballë për ballë, edhe nëse janë shumë introvertë.
Për të tjerë, mund të nënkuptojë të lënë qytetin e tyre për të ndjekur një mundësi diku tjetër.
2. Egoja juaj
Mund të mendoni se keni atë që duhet për të arritur aty ku dëshironi, por nuk e keni ende dhe planet tuaja janë të destinuara të ndryshojnë. Mënyrat më të zakonshme për të mësuar dhe për të përmirësuar planet tuaja, janë dështimi dhe marrja e mendimeve nga të tjerët.
Dështimi është mësuesi më i mirë dhe shpesh e vetmja mënyrë për të mësuar si të bëni diçka më mirë. Edhe nëse nuk dështoni, kudo ka vend për të bërë më mirë dhe për t’u përmirësuar. Kjo mund të vijë si kritikë, por duhet të jeni në gjendje të lini mënjanë egon tuaj për të parë mësimin nga dështimi juaj ose për të marrë parasysh atë që sugjeron dikush tjetër.
3. Kënaqësia e momentit
Përveçse të fitoni llotarinë, nuk do të mund të arrini ëndrrën tuaj brenda natës. Edhe nëse ndërmerrni një hap të madh si të lini punën tuaj, ai do të pasohet nga shumë hapa më të vegjël.
Ëndrrat kërkojnë kohë dhe shpesh do të duhet të lini mënjanë kënaqësitë e momentit për të ndjekur qëllimin tuaj afatgjatë. Kjo mund të nënkuptojë të kurseni para, të hiqni dorë nga veshjet apo pushimet e shtrenjta dhe daljet e shumta. Profesionistët e biznesit mund të duhet të zgjohen herët ose të qëndrojnë deri vonë për të ndërvepruar me njerëz në zona të ndryshme kohore.
4. Koha
Ju do të duhet të sakrifikoni një pjesë të mirë të kohës suaj për të arritur gjërat që ëndërroni, por kjo sakrificë është plotësisht e vlefshme. Nëse ëndrra juaj përfshin të bëni diçka që ju pëlqen, koha e shpenzuar për të nuk do të duket si sakrificë.
5. Njerëzit negativë
Cilado qoftë ëndrra juaj, do të ketë njerëz që do ta kritikojnë. Ata mund të thonë se nuk ia vlen apo se nuk mund ta bëni. Për fat të keq, nuk mund t’i ndryshoni mendjen të gjithëve. Disa njerëz thjesht jetojnë në negativitet dhe nuk munden të mos e shpërndajnë atë. Ju nuk duhet të lejoni që ata t’ju pengojnë. Ndoshta do të duhet të largoni njerëzit që ju marrin shumë energji fizike ose emocionale.
6. Nevoja për miratim
Ajo që të tjerët mendojnë për ëndrrat tuaja dhe si e shohin suksesin ose dështimin tuaj është diçka që duhet ta lini mënjanë. Një nga ndryshimet më të mëdha që mund të bëni në mendjen tuaj është të vendosni atë që mendoni për veten tuaj mbi atë që mendojnë të tjerët për ju. Kur ta bëni këtë, do të merrni përsëri fuqinë që i keni dhënë të tjerëve sa herë që keni kërkuar miratimin e tyre.
Sakrificat janë të pashmangshme në rrugën drejt realizimit të ëndrrave. Duke dalë nga zona e rehatisë, duke lënë mënjanë egon dhe duke duruar mund të arrini çdo qëllim që keni vendosur për veten tuaj. A ia vlen? Pa diskutim po!
