Një muaj pasi vajza 18-vjeçare e Angelina Jolie dhe Brad Pitt, Shiloh, kërkoi që “Pitt” të hiqej nga mbiemri i saj, një burim pranë familjes zbuloi se aktori “praktikisht nuk ka asnjë kontakt” me fëmijët e tij.
“Ai praktikisht nuk ka asnjë kontakt me fëmijët e tij të rritur. Ai ende i sheh fëmijët e tij më të vegjël, por angazhimet e tij janë më të kufizuara muajt e fundit për shkak të orarit të xhirimeve”, tha burimi, duke specifikuar se Brad Pitt po kalon shumë kohë në Evropë për të filmuar filmin e tij të radhës për Formula 1.
Burimi saktësoi gjithashtu se marrëveshja për kujdestarinë e çiftit përfshin të drejtat e vizitës për fëmijët e tyre të mitur. “Angelina kujdeset për fëmijët shumicën e kohës, por sipas marrëveshjes së tyre, ai mund të vizitojë fëmijët më të vegjël”.
Sipas thashethemeve, Brad Pitt është “i vetëdijshëm dhe i mërzitur” nga vendimi i fëmijëve të tij të rritur për të ndryshuar mbiemrin. “Referencat e vazhdueshme për faktin se ai humbi fëmijët e tij nuk janë padyshim të lehta për Brad. Ai i do fëmijët e tij dhe i mungojnë shumë ata”, shtoi burimi.
Angelina Jolie, 48, dhe Brad Pitt, 60, kanë gjashtë fëmijë: Maddox, Zahara, Pax, Shiloh dhe binjakët Knox dhe Vivienne. Këta të fundit, duke qenë ende 15 vjeç, janë fëmijët e vetëm të çiftit që aktori i sheh ende, ndonëse rrallë. Ish-çifti është ende i përfshirë në një betejë ligjore për të finalizuar divorcin e tyre. Dhe sipas disa burimeve, edhe pse Brad ka bërë progres pozitiv në sallën e gjyqit, Angelina Jolie po fiton favorin e fëmijëve të tyre.
Pavarësisht gjithçkaje, burimi konfirmoi se Brad Pitt është i lumtur me jetën e tij, veçanërisht lidhjen me Ines de Ramon. Por largësia nga fëmijët e tij “i dhemb”. “Ai vazhdon t’i dojë pa masë të gjithë fëmijët e tij. I gjithë ky proces ka qenë shumë i vështirë për të gjithë familjen”.
bal
