Roveri Curiosity ka bërë zbulimin e tij më të pazakontë deri më sot në Mars. Gjen shkëmbinj të bërë nga squfur i pastër në ngjyrë të verdhë-jeshile. Roveri po eksploronte mi një shkëmb që e çau duke zbuluar kristale të verdhë-jeshile që nuk ishin parë kurrë më parë në planetin e kuq.
“Unë mendoj se është gjetja më e çuditshme e të gjithë misionit dhe më e papritura,” tha Ashwin Vasavada, shkencëtar i projektit Curiosity në Laboratorin Jet Propulsion të NASA-s në Pasadena, Kaliforni.
Ekipi i Curiosity kishte orientuar reverin drejt kanalit Gediz Vallis, një zonë dredha-dredha që duket se është krijuar 3 miliardë vjet më parë nga një përzierje e ujit që rrjedhtë.
Curiosity kapi këtë imazh nga afër të një shkëmbi të grimcuar duke zbuluar gjetjen “marrëmendëse”.
Disa nga zbulimet e Curiosity, të tilla si liqenet që zgjatën miliona vjet dhe prania e materialeve organike, do shërbejnë për të kuptuar nëse Marsi ka qenë apo jo i banueshëm.
Tani, shkencëtarët janë në një mision për të kuptuar se çfarë do të thotë prania e squfurit të pastër në Mars dhe çfarë thotë ai për historinë e planetit të kuq.
Curiosity kishte zbuluar tashmë sulfate në Mars, ose kripëra që përmbajnë squfur që formohen kur uji avullohet. Ekipi ka parë prova të sulfatit të kalciumit të bardhë të ndritshëm, i njohur gjithashtu si gips, brenda çarjeve në sipërfaqen e Marsit që janë në thelb depozita të ujit të fortë të lënë pas nga rrjedhat e lashta të ujërave nëntokësore.
Anëtarët e ekipit u mahnitën kur panë “teksturën dhe ngjyrën e mrekullueshme brenda” shkëmbit dhe më pas kur përdorën instrumentet e Curiosity për të analizuar shkëmbin dhe morën të dhëna që tregonin se ishte squfur i pastër.
/rtsh.al/
