Para disa ditëve Bardhi njoftoi largimin nga SBS Entertainment. Përmes një postimi këngëtari tregoi se nuk është më nën menaxhimin e Jetmir Agajt, me të cilin punoi mbi katër vjet.
Krisja e tyre nisi që në ‘Big Brother VIP 3’, pas lidhjes së Bardhit me Sara Gjordenin, gjë të cilën Jetmiri nuk e mbështeti siç ka deklaruar Sara.
Mbi ndarjen e raporteve profesionale të Jetmirit dhe Bardhit, disa fansa e media kanë akuzuar Sarën, si një ‘mollë sherri’ ndërmjet tyre.
Kjo ka sjellë edhe një reagim në rrjete sociale nga Sara e cila shkruan se “Kjo është realisht e tepërt”.
Bardhi dhe Sara kanë nisur bashkëjetesën në Tiranë,e po presin të bëhen prindër. Bardhi nga ana tjetër zbuloi se tani e tutje është në menaxhim të Naser Qelit.
