Këpucët e vendosura në telat e rrymës janë diçka të cilat i kemi rastisur në filma të shumtë.
Ka diskutime të shumta pse njerëzit i hedhin këpucët në telat e elektricitetit.
Në fakt, rreshteri i policisë në pension Rob Demarco, i cili kaloi 20 vjet në forcën e Eastchester në New York, ka një teori që shumica e këpucëve që përfunduan aty, ishin pa ndonjë arsye, vetëm sepse kanë ndjekur shembullin e keq dhe kanë vepruar njëjtë sikurse njerëzit që i kishin hedhur më parë.
Këpucët që i shihni të varura tek linjat e energjisë elektrike mund të jetë produkt i mentalitetit, “çfarë shoh e bëj”.
Megjithatë, ekzistojnë teori të shumta lidhur me këtë.
Pse njerëzit varin këpucë tek telat e energjisë?
Është një nga gjërat që me siguri nuk e keni ditur, por përpara këtij veprimi, njerëzit shumë kohë më parë i kanë hedhur këpucët për të shprehur një emocion personal.
Për shembull, ka qenë një traditë e vjetër angleze që njerëzit t’i hedhin këpucë çiftit të sapo martuar; për t’i uruar lumturi dhe pasuri.
Ekziston gjithashtu një traditë e gjatë ushtarake e hedhjes së çizmeve për të simbolizuar fundin e postit ushtarak. Pionierët e hapësirës, Neil Armstrong dhe Buzz Aldrin, me sa duket varën çizmet e tyre që shkelën në krye të raketës përpara se të ktheheshin në Tokë.
Ndonëse këto tradita sugjerojnë se këpucët në linjat e energjisë mund të shërbejnë për një qëllim festiv, ka shumë teori të tjera për to – dhe jo të gjitha përfshijnë shprehje gëzimi. Në fakt, disa madje përfshijnë aktivitet të supozuar kriminal.
Aktivitet i bandave
Një nga teoritë më të njohura rreth këpucëve tek telat e energjisë elektrike është se ato janë pjesë e një sistemi me të cilin bandat shënojnë territorin e tyre. Problemi me këtë teori është se vështirë se mund të konfirmohet nga anëtarët e bandave.
Departamentet e policisë në qytete të ndryshme të mëdha anembanë vendit, nuk ishin të gatshëm ta konfirmonin apo mohonin.
Vendndodhje për blerjen e drogës
Sipas një shefi policie nga Prichard, Alabama, dhe anëtarëve të Jackson, Këshilli Bashkiak i Misisipit, disa tregtarë droge, në fakt, komunikojnë se janë të hapur për biznes duke hedhur një palë këpucë mbi një linjë elektrike ngjitur.
Nga anë tjetër një zëdhënës i Departamentit të Policisë së New Yorkut, nuk e pretendon një gjë të tillë.
“Unë nuk mendoj se është një lloj gjëje që njerëzit reklamojnë duke lënë një shenjë”.
