Këngëtarja e njohur Cardi B ka pushtuar mediat në 24 orët e fundit me kërkesën e divorcit për t-u ndarë nga reperi, Offset.
E ndërsa ndarja e tyre u bë tema më e përfolur, këngëtarja erdhi pasditen e 1 gushtit përmes Instagramit për të njoftuar se është shtatzënë, duke publikuar fotot dhe një mesazh të gjatë.
“Pas çdo fundi, vjen një fillim i ri! Jam shumë mirënjohës që kam ndarë këtë sezon me ty, më ke dhënë më shumë dashuri, më shumë jetë dhe mbi të gjitha kam ripërtërirë fuqinë time! Më kujtove se mund t’i kem të gjitha! Më kujtove se kurrë nuk duhet të zgjedh mes jetës, dashurisë dhe pasionit tim! Të dua shumë dhe mezi pres që të bëhesh dëshmitar i asaj që më ndihmove të realizoj, asaj që më shtyve të bëj! Është shumë më e lehtë të dorëzohesh, por ti, vëllai yt dhe motra jote më kanë treguar pse ia vlen të vazhdoj përpara”, shkruan ajo, duke iu drejtuar foshnjes se saj.
Sipas burimeve të TMZ, arsyeja pse Cardi B ka kërkuar të ndahet nga partneri i saj është tradhtia.
“Edhe pse u përpoqën të gjenin njëri-tjetrin në fillim të vitit, ata dështuan pasi distanca mes tyre vazhdoi të rritej”, shkruan TMZ.
