Një djalë tre muajsh u qëllua në gjoks në një parking ndërsa prindërit e tij dolën për të blerë qumësht formule për fëmijë në Çikago.
Familja ndaloi makinën në një parking rreth orës 16:30 kur dy burra zbritën nga një SUV model më i vjetër, ngjyrë kafe, përpara tyre. Ata hapën zjarr drejt familjes, hipën sërish në makinë dhe u larguan.
Djali 3 muajsh, Jeremia u godit në pjesën e sipërme të gjoksit, ndërsa babai i tij 21-vjeçar kishte plagë me armë zjarri në shpatullën e djathtë, krahun e djathtë dhe plumba në qafë. Babai vrapoi për të shpëtuar të birin mes plumbave.
Ndërkohë, nëna e Jeremias hipi në sediljen e shoferit dhe u nis me makinë. Më pas ajo doli nga makina duke mbajtur djalin e saj dhe e futi në një ambulancë. Djali përfundoi në spital në gjendje të rëndë, ku iu nënshtrua një operacioni nervor dhe klavial. Gjendja e tij është e qëndrueshme sipas deklaratës së nënës së tij dhe po e merr veten duke iu nënshtruar disa operacioneve.
Mjekët parashikuan se Jeremia do të kërkojë trajtim mjekësor derisa të jetë adoleshent për shkak të ashpërsisë së plagëve të tij.
Askush nuk është arrestuar në lidhje me krimin.
