Nelly është arrestuar mëngjesin e së mërkurës në një kazino në Hollywood. Ai akuzohet për posedim droge pasi policia gjeti pilula ekstazi tek ai.
Artisti poashtu po akuzohet për drejtim të automjetit pa sigurim.
Lidhur me rastin, ka foluir avokati i tij, Scott Rosenblum.
Ai tha për Page Six se Nelly ishte “në shënjestër nga një polic jashtë detyrës”.
“Pasi fitoi disa xhekpote, në një ambient ku Nelly shkon shpesh dhe argëtohet, në vend që thjesht të mbikëqyrte transferimin e fitimeve të tij, ky oficer u ndie i detyruar të bënte një kontroll të panevojshëm”, tha ai.
Ai tha se Nelly u kontrollua “pa arsye”.
“Jam 100 për qind i bindur se ky rast nuk do të shkojë askund. Dhe ne do të kërkojmë një hetim për sjelljen e këtij oficeri”, u shpreh më tej avokati.
Arrestimi i Nellyt vjen gati dy muaj pasi u raportua se ai dhe Ashanti u martuan fshehurazi në fund të vitit 2023. Në fillim të këtij viti, Ashanti zbuloi gjithashtu se ajo ishte shtatzënë me fëmijën e tyre të parë.
