Kompozitori i njohur grek, George Leocakos, president nderi i Theater and Dance Critics Association të Greqisë ka humbur jetën pasditen e kësaj të marte.
Njoftimin për ndarjen e Tij nga jeta e dha z. Constantine P. Carambelas-Sgourdas, në emër të Bordit të Drejtorëve të Shoqatës Greke të Muzikës, Teatrit dhe të Dansit.
Leocakos erdhi për të parën herë në Shqipëri në fillim të viteve 1980. Interesi i tij studimor përfshinte gjithçka që lidhej me muzikën në Shqipërinë e mbyllur të atyre viteve, prej muzikës popullore, edukimit muzikor në shkollat tona, interpretimi i muzikës dhe sidomos krijimtaria muzikore shqiptare.
Ai u njoh nga afër më gjithë klasën e krijuesve dhe studiuesve shqiptarë, duke lidhur me secilin prej tyre një marrëdhënie profesionale dhe miqësore. Lecakos e donte dhe e do muzikën shqiptare dhe krijuesit e saj.
