Është zbardhur misteri i vrasjes së një 62-vjeçareje në Janinë, e cila u qëllua për vdekje me pushkë gjahu.
Viktima mësohet se është vrarë nga nipi i saj pas një sherri mes tyre në banesë, për motive financiare.
36-vjeçari fillimisht e raportoi si vrasje, por kur u mor në pyetje nga policia rrëfeu se ishte ai që kishte kryer krimin.
Sipas informacioneve mes tyre kishte ndodhur një përleshje dhe 36-vjeçari ka marrë pushkën duke e qëlluar për vdekje.
Nipi ka telefonuar autoritetet paraditen e së premtes, duke pretenduar se e ka gjetur të vrarë 62-vjeçaren dhe është është marrë në pyetje.
Pak më vonë ai ka rrëfyer aktin e tij dhe po vijojnë hetimet me qëllim që autori të tregojë pranë autoriteteve se ku e ka hedhur armën e krimit.
