Paris Hilton ka reaguar ndaj njerëzve që tallen me djalin e saj, Phoenix.
Ylli i famshëm shpesh publikon fotografi me fëmijët në Instagram, por thotë që merr komente mizore.
Shumë kanë shkruar ndër të tjerash se djali i saj e ka ‘kokën e madhe’.
“Fëmijë qesharakë”, “Nuk më duken normalë”, “Këtë fëmijë duhet ta ketë sjellë në jetë një magjistar” – janë vetëm disa nga komentet që po e shqetësojnë modelen.
Më pas, Paris iu përgjigj komenteve negative për fëmijët.
“Kur jeton në qendër të vëmendjes komentet janë të pashmangshme. Por nëse synon fëmijën tim është e papranueshme. Kjo më dhemb aq shumë sa nuk e shpreh dot me fjalë. Përpiqem shumë që djali im të jetë i rrethuar nga dashuri, nëse nuk postoj foto të fëmijës tim, njerëzit do të thonë që nuk jam nënë e mirë kur postoj, hyjnë dhe shkruajnë me plot urrejtje”, tha ajo.
“Unë jam një nënë krenare dhe fëmija im është plotësisht i shëndetshëm. Phoenix është bekimi më i madh në jetën time. Shpresoj që njerëzit të mund ta trajtojnë njëri-tjetrin me më shumë dashamirësi, mirësi dhe ndjeshmëri”, shtoi biondja.
Kujtojmë se Paris dhe bashkëshorti i saj, Carter Reum, patën një djalë me ndihmën e një nëne surrogate.
Paris Phoenix ishte fëmija i parë, ndërsa bashkëshorti i saj Carter Reum tashmë ka një vajzë (10 vjeçe) me yllin Laura Bellizzi. Çifti pati një vajzë, Londrën, në fund të nëntorit të vitit të kaluar.
Paris dhe Carter u martuan në nëntor 2021. Ata ishin miq për 15 vjet para se të fillonin një lidhje në 2019, dhe vetëm tre muaj më vonë u fejuan.
