Shtatori sjell fillimin e sezonit të ri televiziv, i cili këtë vit premton surpriza dhe ndryshime të mëdha në ekranet shqiptare.
Një nga lëvizjet më të bujshme është kalimi i Xhemi Shehut nga “Portokalli” në drejtimin e “Fiks Fare”.
Prezantuesja ikonike, pas disa vitesh në “Portokalli”, tani do të jetë çdo natë pjesë e “Fiks Fare”.
Largimi i saj lë një vend bosh në krah të Salsano Rrapit dhe Nevina Shtyllës, me emrin e Kiarës që përflitet si bashkëmoderatore, por ende pa konfirmim.
Ndërkohë, Kiara është diskutuar për disa formate të tjera, përfshirë “Shqiptarët për Shqiptarët” dhe një format fashion që ajo ka drejtuar më parë.
Roza Lati do të prezantojë një format të ri së bashku me të ëmën, Ritën, ku do të ofrojnë një përzierje të intervistave, lojërave dhe humorit. Projekti është pritur të jetë një nga risitë më të mëdha të fundjavës.
Bora Zemani, ndërkohë, nuk do të vazhdojë me “Cherry On Top” për një sezon të dytë dhe është ende në diskutim për projektet e ardhshme televizive. Ajo ka prezantuar disa formate, por asnjëri nuk është konfirmuar për këtë sezon.
Në anën tjetër, Ilnisa Agolli dhe Ina Kollcaku përfliten të jenë pjesë e formatit “Goca dhe gra,” i cili pritet të rikthehet në Top Channel me një riformatim të ri. Ilnisa ka ndarë sugjerime për një projekt të ri televiziv, ndërsa Ina Kollcaku, pas përvojës së saj në “Big Brother Club,” mbetet një emër i mundshëm për të marrë një rol në këtë format.
Marina Vjollca do të rikthehet në ekranin e Tv Klan, ku do të drejtojë programin “Këngët e botës,” duke sjellë në ekran një tjetër eksperiencë argëtuese dhe muzikore.
Sezoni i ri televiziv premton ndryshime të mëdha dhe shumë surpriza, me figura të njohura që kërkojnë të sjellin ide të freskëta dhe argëtuese për publikun shqiptar.
lokimagazine
