Parfumi J’adore nga Dior është një ikonë moderne që është përfaqësuar nga disa prej fytyrave më të njohura në botë, nga supermodelja Carmen Kass në vitet ’90 deri te aktorja Charlize Theron.
Ndërsa marka hyn në një epokë të re aromash me drejtorin e krijimit të parfumeve Francis Kurkdjian në krye, është e natyrshme që një tjetër emër me famë botërore t’i bashkohet listës së ambasadorëve të J’adore: dhe ajo wshtw Rihanna.
Këngëtarja është një mike e vjetër e shtëpisë. Filloi në vitin 2015, kur Rihanna kryesoi fushatën e modës të Dior’s Secret Garden. Tani, ajo është kthyer në mjediset e Versajës me fotografin e nderuar Steven Klein për interpretimin më të fundit të J’adore, Thelbi i Parfumit L’Or.
“Takimi mes Rihanna-s dhe J’adore në Versajë ishte një sfidë vërtet frymëzuese”, thotë Klein për Bazaar. “Ne kishim shijuar tashmë një shije paraprake të eksperiencës me filmin ‘Secret Garden’ i xhiruar në vitin 2015, por ambienti ishte krejtësisht ndryshe, dhe më shumë natën. Me J’adore, gjithçka ishte e fokusuar tek ari dhe drita.
Doja të krijoja një dialog vizual midis stilit klasik të shekullit të 18-të dhe bukurisë jashtëzakonisht bashkëkohore të Rihanna-s. Ky film shpik një univers të ri që lidh disa botë dhe disa epoka dhe arrin të arrijë një tërheqje universale natyrore dhe rrezatuese”.
Ekuilibri midis klasikes dhe modernes kap në mënyrë të përsosur frymën e J’adore L’or. “Është një ëndërr në ar”, thotë Rihanna. “J’adore është i lidhur ngushtë me arin, përmes ngjyrës, shishes dhe imazhit të tij. Askund tjetër në botë nuk mund të rrethohesh nga aq shumë ar sa në Versajë.”
bal
