Komandanti i KFOR-it, Ozkan Ulutash, të premten ka pritur në takim ministrin e Punëve të Jashtme të Turqisë, Hakan Fidan.
Ulutash dhe Hakan, kanë diskutuar për zhvillimet e fundit në fushën e sigurisë si dhe për aktivitetet e KFOR-it nën mandatin e OKB-së.
“Ata shkëmbyen mendime mbi zhvillimet e fundit të sigurisë, duke përfshirë aktivitetet e KFOR-it nën mandatin e tij të OKB-së. Gjeneralmajor Özkan Ulutaş theksoi kontributin e gjatë të Turqisë për KFOR-in dhe për stabilitetin rajonal”, bëhet e ditur në njoftimin e KFOR-it në Facebook.
Ndryshe, ministri i Punëve të Jashtme të Turqisë, Hakan Fidan, gjatë ditës ka takuar edhe homologen e tij në Kosovë, Donika Gervallën si dhe presidenten e vendit, Vjosa Osmani./teve1.info/
