Ish-reperi i njohur, Fero, ka befasuar fansat e tij me një njoftim të rëndësishëm përmes një InstaStory.
Ai ka deklaruar se do të marrë një pushim të gjatë nga aktivitetet në rrjetet sociale për një periudhë prej gjashtë muajsh.
Sipas tij, ky vendim vjen në kuadër të nevojës për një ndryshim të madh në jetën e tij dhe është një hap i domosdoshëm për të risjellë freski në projektet e tij të ardhshme.
Fero ka theksuar se nuk do të jetë aktiv në rrjete sociale deri në fillim të marsit të vitit të ardhshëm dhe se rikthimi i tij pas kësaj periudhe do të jetë i paparashikueshëm dhe i papritur.
“Ka ardhur koha për një ndryshim edhe më të madh. Gjashtë muaj nuk do të jem aktiv në rrjetet sociale, deri në fillim të marsit dhe rikthimi pas 6 muajsh do të jetë i paparashikueshëm dhe i paparamendueshëm,” ka shkruar Fero në InstaStory-n e tij.
