Ndarja mes Chiara Ferragni dhe Fedez është përfundimtare dhe duket se gjërat nuk po ecin në mënyrë miqësore. Influencuesja italiane dhe blogerja e modës thuhet se po i lë pak hapësirë Fedez-it, pasi është pothuajse e sigurt që ajo do të ketë kujdestarinë e plotë të fëmijëve të tyre.
Ndërkohë, raportet nga faqet italiane, duke cituar burime, bëjnë të qartë se Ferragni synon t’i “marrë gjithçka”, duke kërkuar një shumë të madhe mujore.
Fedez kishte rënë dakord tashmë të mbulonte shkollimin e fëmijëve në shkollën private dhe shpenzimet mjekësore, por kohët e fundit u përball me një kërkesë të re.
Sipas raporteve nga një burim: “Ish-çifti u takuan në zyrën e një avokati. Fedez ishte i pranishëm me ndihmësin dhe avokatin e tij, ndërsa Ferragni shoqërohej nga e ëma. Atmosfera mes tyre ishte jashtëzakonisht e ftohtë, deri në atë pikë sa Fedez nuk e përshëndeti as ish-vjehrrën e tij”.
Të njëjtat raporte tregojnë se Ferragni kërkonte 20 mijë euro në muaj nga ish-bashkëshorti i saj. Megjithatë, ekipi ligjor i reperit e kundërshtoi menjëherë shumën. “Sapo u ul, Chiara Ferragni shpjegoi se donte 20 000 euro në muaj, por avokatët e Federico menjëherë e vunë në dyshim shumën, duke theksuar se ai tashmë po paguan për shpenzimet mjekësore dhe shkollimin e fëmijëve dhe se Ferragni është një grua e pavarur që e ka ndërtuar karrierën e saj mbi konceptin e fuqizimit të femrave.”
Thuhet se avokatët e Fedez sugjeruan një shumë midis 5,000 dhe 6,000 €. Ende nuk dihet nëse kanë arritur marrëveshje.
bal
