Pas ndarjes nga Ledri Vula, Sara Hoxha ka marrë një vendim të rëndësishëm: do të shpërngulet në Tiranë. Ajo ka zbuluar se shtëpia e saj e re është duke u rregulluar, duke ndarë disa pamje në ‘story’ që tregojnë procesin e transformimit të banesës. Kjo shtëpi do të jetë vendi ku ajo do të qëndrojë me vajzën e saj, Poin.
Dita e djeshme ishte kaq e shkëlqyer, por edhe emocionale. Unë dhe Poi shkuam për të parë shtëpinë tonë të re që do të jetë së shpejti. Ky është një proces kaq emocionues për të kaluar
– shkroi Sara pranë pamjeve, duke shprehur gëzimin dhe emocionet që po përjeton.
Kujtojmë se pas ndarjes, Ledri Vula ka filluar një lidhje të re me Rina Zaitin. Edhe pse ai nuk ka bërë ndonjë deklaratë publike për ndarjen apo për romancën e tij të re, paparazzët kanë kapur disa momente që kanë zbuluar situatën e tij të re.
Me këtë ndryshim, Ledri tani do t’i duhet të vizitojë Tiranën më shpesh për të kaluar kohë me vajzën e tij, çka do ta bëjë situatën edhe më interesante për të dy prindërit, ndërsa ata përpiqen të krijojnë një ambient sa më të përshtatshëm për Poin. Kjo periudhë e re për Sara-n dhe vajzën e saj duket se do të sjellë sfida, por gjithashtu edhe mundësi të reja për rritje dhe zhvillim.
