Meriton Mjekiqi, një nga ish-banorët më të komentuar të “Big Brother VIP Albania 3”, ka ndarë një moment të rëndësishëm dhe emocional me ndjekësit e tij në Instagram.
Ai ka bërë të ditur se është takuar me të birin, Loarin, i cili jeton në Austri, pas një periudhe të gjatë largësie. Ky moment është pritur me shumë emocione nga Meritoni, duke qenë se ai kishte kohë pa e parë djalin e tij.
Gjatë periudhës që ishte pjesë e “Big Brother VIP Albania”, prezantuesi nga Kosova rrëfeu shpesh detaje nga jeta e tij personale dhe karriera profesionale. Ai foli hapur për raportin e tij të ndërlikuar me ish-partneren dhe sfidat e tij si prind, duke hedhur akuza për largimin e gjatë nga djali. Tani, ky ribashkim me Loarin ka ngjallur ndjenja të thella dhe ka qenë një moment i veçantë që Meritoni ka ndarë me publikun.
lokimagazine
