Shpeshherë, introvertët perceptohen si njerëz të qetë, të rezervuar dhe hera-herës “të mërzitshëm.” Megjithatë, e vërteta është më e ndërlikuar! Nëse e gjen veten te këto situata, atëherë mund të jesh një “introvert i egër” dhe as nuk e ke vënë re:
– Nuk tregoj shumë entuziazëm në situata sociale, por kur kam diçka kreative që më pëlqen vërtet, shpërthej.
– Nga jashtë, mund të dukem sikur jam njeri i mërzitshëm dhe pa ngjyra, por brenda mendjes sime gjendet një botë e pasur dhe e gjallë imagjinare, e cila është më e çmendur sesa mund ta imagjinoni.
– Kam një dëshirë për të mësuar gjëra të reja dhe të ndërlikuara, por nuk i duroj dot eventet ku jam i/e detyruar të takohem me shumë njerëz të rinj.
– Më pëlqen të përjetoj aventura, por dua të jenë të sigurta dhe gjithmonë më duhet kohë për të reflektuar thellë mbi atë që përvoja më ka sjellë në aspektin e rritjes dhe zhvillimit personal.
– Mund të mos dukem shumë i/e vendosur në situata sociale, por kur krijoj diçka të bukur dhe kuptimplotë, nuk më ndalon dot askush nga drejtimi i procesit tim krijues!
Ka shumë keqkuptime rreth introvertëve. Në përgjithësi, të qenit introvert thjesht nënkupton që preferon qetësinë. Psikologët modernë e matin “introvertin” si polin e kundërt të “ekstrovertin”, i cili përbëhet nga dy aspekte kryesore:
Entuziazmi
Të jesh shprehës në situata sociale, të bësh miq lehtë, të tregosh ndjenjat kur je i lumtur, të miqësohesh shpejt me të tjerët dhe të dukesh gjithmonë i lumtur në shoqëri.
Vendosmëria
Të marrësh kontrollin, të kesh një personalitet të fortë, të dish si të tërheqësh njerëzit, të shohësh veten si lider të mirë dhe të veprosh i/e pari/a.
Nga një këndvështrim i shkencës së personalitetit modern, sa më pak të shfaqesh në këto dy aspekte, aq më shumë je në anën introverte të jetës. Dimensioni ekstroversion-introversion i personalitetit është lidhur me dopaminën dhe vlerën e shpërblimit që marrim për kënaqësitë primare, të cilat lidhen me gjëra si statusi social, droga apo seksi në situata të rrezikshme.
Një nga shpërblimet më të forta përgjatë historisë së njerëzimit ka qenë vëmendja sociale, e cila shpjegon pse kërkimet tregojnë se ekstrovertët marrin energji nga mundësitë për të marrë vëmendje pozitive shoqërore.
Introvertët, nga ana tjetër, nuk e përjetojnë këtë ndjesi në të njëjtën masë. Nga një perspektivë, mund të thuhet se introvertëve u duhet më shumë “punë” për të gjetur lumturi në evente ku duhet të takojnë njerëzit, në krahasim me ekstrovertët, të cilët kanë më shumë dopaminë që qarkullon në sistemet e tyre.
Nëse gjen veten në këto përshkrime, atëherë me shumë mundësi je një “introvert i egër” – një shpirt krijues që ndriçon brenda qetësisë së tij, duke ndjekur pasionet me një intensitet që vetëm pak njerëz arrijnë ta kuptojnë.
