Danielle Peazer, ish e dashura e Liam Payne, ndau në Instagram një mesazh prekës për humbjen e tij.
Ajo publikoi një foto të vjetër bardhë e zi me Liam duke ngrënë akullore, shoqëruar me një letër prekëse dedikuar atij.
Danielle e kujtoi Liam si një muzikant të dashur nga miliona njerëz, por edhe si një djalë, vëlla dhe baba. Ajo shprehu dhimbjen e saj për djalin e Liam, Bear, që do të rritet pa prindin e tij.
Ajo falënderoi Liam për mësimet që i dha gjatë kohës që kaluan bashkë, duke përmendur se ai e kishte ndihmuar të kuptonte rëndësinë e vendosjes së kufijve dhe mbrojtjes së zemrës së saj.
Në mesazhin e fundit që Liam i kishte dërguar, ai shprehu lumturinë për dashurinë që Danielle kishte gjetur me partnerin e saj të ri dhe vajzën e tyre, Mia.
Danielle e përfundoi mesazhin me fjalët: “Më vjen keq që historia jote nuk përfundoi ndryshe, dhe më vjen keq që nuk arrite të ndaje më shumë nga magjia jote me botën. Pusho në paqe, miku im.”
Liam Payne vdiq në një incident tragjik në Buenos Aires, duke lënë pas një boshllëk të madh te miqtë, familja dhe fansat e tij.
lokimagazine
