Michael Newman, një nga aktorët e serialit Baywatch, ka ndërruar jetë në moshën 68-vjeçare.
Miku i tij i ngushtë, regjisori Matt Felker, i cili drejtoi dokumentarin e fundit të Hulu “After Baywatch”, konfirmoi vdekjen e aktorit, sipas People.
Michael Newman lindi në Los Angeles dhe u bë i famshëm në vitet ’90 si një nga aktorët kryesorë të Baywatch. Ai u shfaq në 150 episode të serialit, më shumë se kushdo tjetër përveç David Hasselhoff.
Aktori ka qenë i hapur për betejën e tij me sëmundjen e Parkinsonit dhe vitet e fundit, ka mbledhur para në partneritet me Fondacionin Michael J. Fox për të ndihmuar në kërkimin e një kure.
“Shpresoj se tregimi i historisë sime personale do të rrisë ndërgjegjësimin për rëndësinë e gjetjes së një kure për Parkinson. Kjo sëmundje terminale nuk më ka lënë shumë kohë për të menduar, gjë që ndoshta nuk e kam dashur, por më ka sjellë mençuri”, kishte thënë ai gushtin e kaluar, duke folur për People.
