10
Sindikata e Re e Korporatës Energjetike të Kosovës (KEK) ka protestuar para zyrave të KEK-ut në Prishtinë.
Protestuesit kanë kërkuar rritjen e pagave, pagesën e rrezikshmërisë për ata që punojnë në kushte të vështira dhe pagesën e fundjavës për punëtorët me ndërrime.
Kryetari i Sindikatës së Re Korporatës Energjetike të Kosovës, Nexha Llumnica, tha se ngritja e pagave është e domosdoshme për mirëqenien dhe drejtësinë e punëtorëve.
Ai ka paralajmëruar hapa të tjerë sindikalë nëse nuk ka përmirësime konkrete në këtë drejtim.
