1
Policia e Kosovës ka gjetur një veturë të vjedhur në fshatin Dardani të Ferizajt.
Vetura ishte e braktisur.
“Hetuesit rajonal menjëherë kanë dalë në vendin e ngjarjes dhe kanë identifikuar veturën “Range Rover” me targa vendore, e cila ishte vjedhur me datën 23.10.2024 rreth orës 03:05 në fshatin Dardani të Ferizajt.
Si provë materiale vetura është sekuestruar, deri sa të përfundojnë procedurat e ekzaminimit nga krimteknikët rajonal dhe kthimit të pronarit të saj, kurse policia është në kërkim të personave të dyshuar për rastin ” Vjedhje e rëndë” që ka ndodhur me datën 23.10.2024 në fshatin Dardani të Ferizajt”, thuhet në njoftimin e policisë.
