Aktorja e njohur Jonida Vokshi humbi disa ditë më parë babain e saj. Pasi lajmin e trishtë e ndau në mediat e saj sociale me ndjekësit, dhe bëri një postim tejet prekës, së fundmi ajo në nisje të prime të “Big Brother VIP” Kosova bëri një dedkim tejet prekës. “Nga sonte, çdo dalje time do të ia dedikoj engjëllit tim, babait tim”, tha Vokshi mes lotësh.
Edhe bashkëshorti i aktores ka bërë një dedikim tejet emocionues. Teksa ka ndarë një video shumë të bukur, ai ka zbuluar se babai i aktores edhe pse prej kohësh vuante nga demenca, kurrë nuk ndali duke ndarë dashuri me ta. “Lamtumirë, Zotni! Sot humbëm një njeri të veçantë, jo vetëm babain e Jonidës, por një mik dhe një shpirt të dashur. Ai më deshi si djalin e tij, gjithmonë i sjellshëm, me kujtime të mbushura me muzikë dhe tregime.
Emi, çika ime, u rrit me përrallat dhe ninullat e tij që nga lindja. Demenca e mori ngadalë, por kurrë nuk mundi të shuajë dashurinë që ndante me ne. Për vite të tëra, Jonida, Vjollca dhe Dori u kujdesën për të me durim e përkushtim. E trajtuan me respekt dhe pa zemërim, duke i kthyer gjithë dashurinë që ai u kishte dhënë. Edhe pse demenca nuk është e lehtë për njerëzit përreth tij, ata zgjodhën dashurinë për ta ndihmuar me gjithë shpirtin e tyre.
Dashuria e ndryshon gjithçka. Për dikë me demencë, është si një dritë në errësirë, ajo qëndron me ta kur asgjë tjetër nuk mbetet e qartë. Demenca merr shumë, por dashuria e kthyer mbrapsht u jep një ndjenjë qetësie, edhe kur ndihen të humbur. Ndonjëherë harrojmë sa e fuqishme është dashuria, por në momentet më të vështira, ajo është e vetmja gjë që i mban të sigurt.
Pusho në paqe, Jaja. Kujtimet e tua do të jetojnë gjithmonë me ne, dhe dashuria që ndave mbetet e përjetshme. Për Jonidën, Vjollcën dhe Dorin: Bravo për gjithçka që keni bërë; ndihuni krenarë për dashurinë dhe përkushtimin e pakushtëzuar që i dhatë deri në fund. Të gjithë ata që kanë të dashur me demencë, mundohuni të ndiqni shembullin e Jonidës, Vjollcës dhe Dorit: ofroni dashuri dhe kujdes të pakushtëzuar, sepse kjo është forca që ndihmon ata të ndihen të sigurt dhe të dashur. Pusho i qetë Zotni!”, ka shkruar ai.
bal
