Pas suksesit që “X Factor Albania” pati me rikthimin vitin e kaluar, vjen sërish këtë sezon me edicionin e 6-të për të zbuluar talentet e reja të muzikës.
Talent show më i madh dedikuar zërave të rinj nis mbrëmjen e sotme në televizionin Klan, me pjesëmarrës nga të talentuar nga Shqipëria dhe trojet shqiptare.
Ata do të garojnë për të arritur së pari të prekin skenën live e më pas për të shkuar drejt finales së madhe. Më të mirët do të marrin pasi marrin “Po-në” e jurisë, janë gati për të vijuar garën në fazat e tjera; vilat e jurisë dhe netët ‘live’, në skenën e “X Factor”.
Në promon e publikuar nga televizioni Klan shihet se gjatë përzgjedhjes së talenteve të rinj janë të shumtë profesionistët, që janë ulur në karrigen e anëtarëve të jurisë, mes tyre Albërie Hatërgjonaj, Eli Fara, Anxhela Peristeri, Ledina Çelo, Zhani Ciko, Ardit Çuni, Arilena Ara, Young Zerka, Ronela Hajati, Adi Krasta, Bojken Lako, por ende nuk dihet se cili prej tyre do të jetë gjatë netëve ‘live’.
Ky produksion i drejtuar nga Vera Grabocka dhe Alketa Vejsiu premton një tjetër sezon të suksesshëm të “X Factor”, duke zbuluar ata që do të jenë e ardhmja e muzikës shqiptare!
bal
