Një ditë pas vendimi të Gjykatës së Apelit të Posaçëm që e riktheu në burg Avokatin Alban Bengasi, ky i fundit është paraqitur këtë të premte në drejtorinë e policisë së Tiranës.
Pas procedurave të kryera në polici ai do të dërgohet në një burg të sigurisë së lartë.
Bengasi u lirua në fund të korrikut pasi Shkalla e Parë ia uli dënimin deri në 1 vit e 4 muaj burg.
Për shkak të afateve ai fitoi lirinë. Por pas ankimimit të bërë nga SPAK çështja shkoi në Apel ku kjo e fundit vendosi t’ia rris dënimin Bengasit duke e dënuar përfundimisht me 4.6 vite burg edhe ne aplikim te gjykimit të shkurtuar.
Akuza ndaj tij është dhunë në familje në kuadër të grupit strukturuar kriminal.
I penduari i drejtësisë Nuredin Dumani tregoi episodin ku Bengasi kishte ofruar 120 mije euro për vrasjen e gruas së tij.
