Meghan Markle dhe Victoria Beckham kanë pasur një nga miqësitë më të përfolura, por sipas raportimeve të fundit, duket se marrëdhënia e tyre ka arritur në një pikë të pariparueshme. Sipas komentatorit mbretëror Ingrid Seëard, dy gratë “nuk po flasin më” dhe përçarja duket se është përfundimtare. Distanca mes Meghan dhe ish-Spice Girl mund të lidhet me axhendat profesionale të grave dhe qasjet e tyre të ndryshme në media.
Seward përmendi se pavarësisht çdo përpjekjeje për pajtim, Victoria Beckham është thjesht shumë e zënë për të riparuar marrëdhënien e saj me Meghan. “Victoria është në fakt shumë e zënë. Ajo ka një biznes. Ajo ka një burrë shumë të suksesshëm. Ajo ka fëmijë”, vuri në dukje Seward, duke theksuar se Victoria ndoshta nuk ka kohë të mendojë për rregullimin e marrëdhënies me Meghan.
Ish-këngëtarja aktualisht është në mes të prodhimit të serialit të saj në Netflix, The House of VB, i cili ndjek jetën e saj teksa menaxhon perandorinë e modës dhe bukurisë, ndërkohë që është nënë dhe grua në sytë e publikut. Shfaqja filloi prodhimin në gusht, por ende nuk është zbuluar një datë për lançim.
Nga ana tjetër, Meghan është po aq e zënë me projektin e saj në platformën e transmetimit. Thuhet se Dukesha është “e zemëruar” me shfaqjen e Victoria-s, pasi ajo gjithashtu planifikon të lançojë serinë e saj të gatimit për vitin 2025, e lidhur me markën e saj të jetesës, American Riviera Orchard.
Për më tepër, komentatori sugjeroi se Meghan është e mërzitur, por nuk mund ta tregonte kurrë publikisht, pasi duke qenë aktore, ajo e di se shfaqja e emocioneve të tilla do të ishte e papërshtatshme. Seward komentoi: “Bekhamët janë distancuar nga Meghan dhe Harry, ndërkohë që Meghan dhe Harry janë në rënie, jo në ngjitje”. Ky koment tregon për rënien e popullaritetit të Sussex-ëve në vitet e fundit, veçanërisht me largimin e tyre nga familja mbretërore britanike dhe polemikat mediatike.
Ndonëse dy gratë u njohën dhe u afruan me kalimin e viteve, duket se rrugët e tyre tashmë kanë ndryshuar dhe nuk ka asnjë shenjë se ato do të pajtohen së shpejti.
bal
