Aktori Justin Baldoni është larguar nga agjencia e talenteve WME. Vendimi u mor nga kompania, pjesërisht për shkak të një padie për ngacmim seksual dhe hakmarrje të ngritur të premten nga bashkë-ylli dhe producenti i tij Blake Lively, nga filmi “It Ends With Us”.
Akuzat varionin nga komentet e papërshtatshme për peshën e Lively deri te kërkesat për të modifikuar skenarin në mënyrë që të zvogëlohej përmbajtja seksuale.
Blake Lively paraqiti një ankesë me 10 pika në Departamentin e të Drejtave Civile të Kalifornisë të premten mbrëma, duke akuzuar Justin Baldonin, kompaninë e tij të prodhimit Wayfarer Studios dhe të tjerë të përfshirë në It Ends With Us për ngacmim seksual dhe kryerjen e një fushate për të dëmtuar reputacionin e saj.
Gruaja e Ryan Reynolds u ankua për sjellje të papërshtatshme në xhirimet e filmit It Ends With Us, si shfaqja e videove nudo dhe komentet rreth pornografisë dhe përvojave seksuale. Ajo gjithashtu pretendon se Baldoni u konsultua me trajnerin e saj personal pa pëlqimin e saj për t’u ankuar për peshën e saj dhe se skena seksuale të papranushme iu shtuan skenarit.
“Këto pretendime janë krejtësisht të rreme, skandaloze dhe qëllimisht lakmuese, me qëllim që të lëndohet publikisht dhe të përsëritet një narrativë në media”, tha avokati i Baldonit.
“Është e turpshme që zonja Lively dhe përfaqësuesit e saj kanë bërë akuza kaq serioze dhe kategorikisht të rreme kundër z. Baldoni, Wayfarer Studios dhe përfaqësuesve të tyre, si një përpjekje tjetër e dëshpëruar për të ‘rregulluar’ reputacionin e saj negativ, i cili u krijua nga komentet e saj dhe veprimet gjatë fushatës për filmin”, tha avokati i Justin Baldonit.
“Për më tepër, u zbulua se zonja Lively punësoi përfaqësuesen e saj, Leslie Sloan nga Vision PR, e cila gjithashtu përfaqëson Ryan Reynolds, për të përhapur në media histori krejtësisht të sajuara dhe të rreme negative”, përfundoi ai.
E sigurt është se Julio Baldoni u shkarkua nga WME vetëm pak orë më parë, por në heshtje. Askush nga agjencia nuk ka folur për situatën dhe pritet që në ditët në vijim të japin një deklaratë.
bal
