4
Zgjedhja e të brendshmeve nuk është vetëm çështje estetike, por mbi të gjitha çështje shëndeti. Ekspertët e dermatologjisë dhe gjinekologjisë theksojnë se materiali i të brendshmeve ka ndikim të madh në mirëqenien e përditshme të trupit.
Materialet jo cilësore, sidomos ato sintetike, mund të shkaktojnë irritime të lëkurës, djersitje të tepërt, alergji dhe infeksione të ndryshme. Ndaj, rekomandohet që të brendshmet të jenë gjithmonë nga pambuku ose materiale të buta dhe të ajrosshme që nuk pengojnë frymëmarrjen e lëkurës.
Gjithashtu, veshja e të brendshmeve cilësore ndihmon në ruajtjen e një higjiene më të mirë personale dhe parandalon problemet intime si myku apo infeksionet urinare, që shpesh shkaktohen nga materialet jo të përshtatshme.
Ekspertët këshillojnë që përveç përzgjedhjes së materialit, të kushtohet rëndësi edhe larjes dhe ndërrimit të rregullt të të brendshmeve për të shmangur çdo rrezik për shëndetin.
Në fund të ditës, komoditeti dhe shëndeti janë më të rëndësishëm se moda!
