1
Dashi
Ashtu si dje, Hëna të shkon kundër, por kjo nuk do të thotë që gjithçka shkon keq. Brenda teje lëkunden shqetësime që lidhen me familjen, kontrata, marrëveshje ose prona të përbashkëta. Po rishikon rregulla që i mendoje të pandryshueshme dhe situata që i besoje të qëndrueshme. Ka presion për vendime të rëndësishme dhe barrë përgjegjësish që nuk i ke zgjedhur vetë. Ndihesh mes të shkuarës që s’kthehet dhe një të ardhmeje ende të paqartë, gjë që të bën më të ndjeshëm. Megjithatë, guximi yt i lindur të shtyn përpara dhe ruan optimizmin.
Reflektim: Kohët e fundit ke braktisur projekte apo grupe dhe tani ndihesh si në mëshirë të ngjarjeve. Vështirësitë të tundonin të dorëzoheshe, por brenda teje ndizet shpresa që me durim dhe vendosmëri diçka e mirë do të dalë nga ky kaos. Sfida nuk është vetëm te marrëdhëniet me të tjerët, por te përballja me pasiguri të vjetra. Në dukje gjithçka po shembet, por pikërisht tani zbulon forcën tënde. Vështirësitë po të mësojnë diçka të çmuar mbi aftësinë për t’u përshtatur.
Demi
Në punë je në një moment të favorshëm, ekuilibër që e ke ndërtuar me mund e mençuri. Dilema kryesore është: të ndjekësh rrugën e sigurt apo të hapesh ndaj eksperiencave të reja? Rreth muajit shkurt, ndryshime të papritura (detyrime të reja ose vendime të jashtme) të detyruan të lëvizje nga rutina. Këto të kanë provuar por edhe të kanë dhënë forcë. Diplomacia është arma jote më e mirë.
Reflektim: Aftësia jote për t’u përshtatur pa humbur qetësinë të ka sjellë deri këtu. Ke ditur të lësh mënjanë krenarinë dhe të shmangësh konfliktet e kota. Puna të kërkon sakrifica, por siguria e fituar pas shumë provash rrit besimin edhe në jetën private. Kujdes, dashuria kërkon më shumë vëmendje: partneri/partnerja ndonjëherë ndihet i/e lënë pas për shkak të punës. Nga data 25 e muajit, dashuria kërkon ushqim përmes gjesteve të thjeshta, fjalëve të mira dhe premtimeve të mbajtura.
Binjakët
Ke nevojë për përkujdesje dhe ngrohtësi, të ndihesh i dashur për të rifituar besimin te ëndrrat. Kohët e fundit lodhja dhe disa shqetësime fizike të kanë ulur ritmin, megjithatë në punë ke hedhur hapa të guximshëm duke hyrë në projekte të reja. Vera të ka dhuruar ide të freskëta që presin të provohen në vjeshtë.
Reflektim: Zgjedhja e projekteve të duhura është një sfidë. Jo gjithçka që duket e ndritshme në fillim mbetet e tillë. Disa përvoja të zhgënjejnë, disa të japin mësime të vlefshme. Rreziku është të shpërndash energjitë. Nga data 25, Venusi të ndihmon të rikuperosh dashurinë: nëse ka pasur ftohje apo mosmarrëveshje, tani është momenti i pajtimeve. Për çiftet e qëndrueshme, ky është një moment i mirë për të menduar për martesë ose bashkëjetesë.
Gaforrja
Me Venusin dhe Jupiterin në shenjë, emocionet bëhen në qendër. Të ftojnë të dëgjosh zemrën pa rezerva. Ke mundësi të forcosh marrëdhënie ose të hedhësh hapa seriozë. Kush ka pasur zhgënjime, tani mund të shërohet me një dashuri të re ose duke forcuar lidhjen ekzistuese.
Reflektim: Po ndjen që është koha për të hedhur themele të reja në jetë. Mund të shfaqet dikush që ndez pasionin, ose partneri aktual të frymëzon të mendosh për martesë apo bashkëjetesë. Ky është një transit që të jep besim dhe energji për projekte të mëdha. Kujdes vetëm të mos mbetesh peng i frikërave të së shkuarës. Çelësi është të lejosh veten të jesh i lumtur.
Luani
Qielli të mbështet me forcë të jashtëzakonshme. Është momenti për të lënë pas zhgënjime e kriza dhe për të rifituar krenarinë. Kur bie, Luani nuk dorëzohet, por kërkon menjëherë hakmarrjen e ëmbël të suksesit. Sot yjet japin pikërisht këtë mundësi: të ngrihesh më i fortë.
Reflektim: Ke energji të reja për të guxuar dhe për të thyer kufijtë që të kanë penguar. Nga data 25, dashuria ndizet sërish: takime të reja, rikthime të pasioneve ose rikuperim i lidhjeve që dukeshin të shuara. Është koha të kërkosh atë që dëshiron vërtet. Qielli është në anën tënde, prandaj mos u kurse.
Virgjëresha
Po ndihesh më mirë, edhe sepse po arrin të buzëqeshësh edhe në vështirësi. Në qershor e korrik kishe ndjesinë se dikush donte të të linte mënjanë, dhe kjo të shkaktoi pasiguri. Por tani ke mësuar të zgjedhësh betejat dhe të kursesh energjitë vetëm për gjërat që vlejnë. Ndryshimet në jetë duhen pranuar.
Reflektim: Nëse ke nisur një stil të ri jete, përqafoje pa keqardhje. E shkuara nuk kthehet, e ardhmja është mundësi e re. Dashuria rikthehet në qendër, sidomos pas një vere me ulje-ngritje. Po afron një fundjavë me Hënë të re në shenjën tënde që hap një fazë rinovimi emocional. Çdo përvojë, edhe ajo e dhimbshme, të ka mësuar për veten dhe për atë që do vërtet. Ke një shans të dytë që duhet ta shfrytëzosh me besim.
Peshorja
Nuk mund të flitet për yje veçanërisht romantike, por sot kërkohet pak durim, sidomos për ata që në gusht kanë përjetuar mosmarrëveshje në dashuri. Mund të kesh qenë larg partnerit, ose thjesht nuk ke dashur dhe marrë sa ke nevojë. Distanca dhe puna kanë krijuar boshllëqe, duke sjellë mall për kohët kur ishit më afër. Këto ditë ndjen nostalgji, por sfida kryesore është të mbetesh i qendrueshëm, të kujdesesh për veten edhe kur ndjenjat duken të largëta. Durimi nuk është thjesht pritje, por kultivim i emocioneve, duke e kthyer mallin në tokë pjellore për një afrim të ri. Pas 25 gushtit, një dritë ndizet: fundi i muajit sjell një kthesë emocionale për ata që kanë guxuar të përballen me ndjenjat e tyre të vërteta.
Reflektim: Në punë mbretëron konfuzion: Saturni dhe Marsi nxisin tensione, ndërsa e kaluara kërkon të rikthejë energjitë e investuara. Sfida është të mos biesh në skemat e vjetra, por të krijosh strategji të reja. Shumë shenja tregojnë se ke ndryshuar grup, rol apo drejtim. Fillimisht ndihesh i çliruar, më pas i shqetësuar. Lodhja, tensionet e grumbulluara, zhgënjimet e fundit të kanë lënë shenja. Brenda teje rritet dëshira për ndryshim, për të larguar ata që të kanë lënduar, për të mbrojtur mirëqenien tënde. Je në një ekuilibër delikat mes pendesës dhe shpresës. Dashuria të mëson vlerën e pranisë, ndërsa puna të shtyn të kuptosh çfarë ka më shumë rëndësi. Fiziku të kërkon respekt e pushim. Pas 25 gushtit, do jesh më i gatshëm për të përqafuar risitë me qartësi e vendosmëri.
Akrepi
Jupiteri të vëzhgon me kujdes dhe të buzëqesh: një mbrojtje e padukshme të shoqëron në çdo hap. Viti 2025 është një etapë e rëndësishme, dhe deri në qershor 2026 priten konfirmime të mëdha profesionale e praktike. Rritja është në ecje të pandalshme, sepse je i gatshëm të tejkalosh kufijtë dhe të guxosh. Shanset mund të shfaqen papritur, edhe sot yjet të mbështesin. Një telefonatë, një takim, një ide e re ose një frymëzim i papritur mund të të çojnë përpara.
Reflektim: Pasiguria financiare mund të rëndojë këto ditë – shpenzime të paparashikuara, investime të mëdha, pyetje mbi shpërblimin e sakrificave. Forca jote qëndron në aftësinë për të përballuar vështirësitë pa rënë pre e ankthit. Dashuria ka nevojë për më shumë vëmendje: zemra kërkon sinqeritet dhe konfirmime, sidomos në javët që vijnë. Ka ardhur momenti për të rregulluar marrëdhëniet dhe për të ushqyer lidhjet me gjeste të vërteta. Ngjitja jote nuk është vetëm materiale, por edhe shpirtërore: brenda teje rritet dëshira për një kthesë, për të lënë shenjë në jetë. Vazhdon të reflektosh, të vëzhgosh dhe të buzëqeshësh përballë sfidave. E ardhmja është një fletë e bardhë që pret të shkruhet me pasion.
Shigjetari
Tre ditët e ardhshme premtojnë stimuj të shumtë: jetoi me entuziazëm dhe mos lejo që vështirësitë e fundit të rëndojnë shpirtin. Rivalitetet dhe tensionet e kohëve të fundit kanë lënë shenja, shpesh je ndjerë i pavlerësuar. Kjo zhgënjim mund të kthehet në një motiv të fuqishëm për të treguar vlerën tënde. Mos e kufizo shikimin vetëm te puna: nga 25 gushti, Venusi të sjell një energji të re në dashuri. Mund të forcosh një lidhje ekzistuese, të përjetosh një takim të veçantë ose të rizbulosh pasionin.
Reflektim: Mendja të shtyn të kërkosh horizonte të reja, të mos mbetesh në rutinë. Marrëdhëniet personale bëhen më të gjalla, ke kaluar disa debate, por tani vjen koha e pajtimit dhe dialogut. Nëse ke pësuar zhgënjime, qielli të fton të rifillosh me besim. Venusi do të ndihmojë çiftet të forcojnë lidhjet dhe beqarët të gjejnë një takim të rëndësishëm. Dashuria bëhet fushë zbulimi dhe ndarjeje të sinqertë. Energjia e re përshkon edhe karrierën: pasioni yt reflektohet në rezultate konkrete. Shigjetari e di që çdo udhëtim sjell emocione dhe fitore – përgatitu për një sezon arritjesh.
Bricjapi
Nëse je në pozicion drejtues apo thjesht ke përgjegjësi familjare, këtë periudhë e ndien të vështirë të dëgjohesh. Kërkesat e tua hasin në rezistencë, rezultatet vonojnë, bashkëpunëtorët ndonjëherë e bëjnë të vështirë procesin. Kjo sjell frustrim, sikur askush nuk e kupton përpjekjen tënde. Por ke forcën për të kapërcyer pengesat. Ndryshime të rëndësishme po afrojnë, sidomos në familje: edhe nëse nuk të përfshijnë drejtpërdrejt, do prekesh nga ato që ndodhin rreth teje.
Reflektim: Kjo është një kohë që të kërkon përshtatje, ndryshime të paparashikuara dhe stres që mund të sjellin nervozizëm. Ky është momenti për të ushtruar durim dhe vetëkontroll, për të mos lejuar irritimin të të dominojë. Bricjapi kërkon siguri dhe kur ajo lëkundet, lind dëshira për t’u mbyllur. Dinamikat familjare dhe ndryshimet në marrëdhënie të shtyjnë të rivlerësosh prioritetet dhe të zbulosh rëndësinë e mirëkuptimit. Nëse dikush afër teje po kalon një kthesë të madhe, ofro ndihmë pa gjykime dhe trego praninë tënde me maturi.
Ujori
Nesër Hëna do të jetë në opozitë, duke të nxitur të përballesh me ato që nuk funksionojnë. Sot realiteti mund të të duket i turbullt: Ujori shpesh endet mes fantazisë dhe realitetit. Por është e nevojshme të qëndrosh i lidhur me tokën. Që nga fundi i qershorit, Merkuri kundër solli shpenzime, prishje marrëveshjesh, kontratash ose çështje shtëpie. Një thirrje për të mos humbur anën praktike të jetës. Nga 25 gushti, dashuria do të kërkojë më shumë kujdes.
Reflektim: Rreziku është që tensionet të shndërrohen në nervozizëm. Në dashuri, distanca bëhet e dukshme: duhet të afrohesh përmes dialogut të hapur. Në anën praktike, gabimet e vogla si fatura të harruara ose gjoba tregojnë mungesë rendi. Ky është sinjal që ke nevojë për më shumë organizim. Ujori lëkundet mes lirisë dhe nevojës për stabilitet. Ky moment kërkon balancë mes ëndrrës dhe realitetit. Marrëdhëniet kërkojnë sinqeritet: nëse diçka nuk të bind, përballoje hapur. Fundi i gushtit sjell kohë bilancimesh, rikthimesh dhe zgjedhjesh të qarta.
Peshqit
Energjia jote sot është e fortë dhe ndriçon çdo zgjedhje. Megjithatë, e shtuna dhe e diela do të jenë më të lodhshme. Ke gjithnjë e më shumë nevojë për krijimtari, fantazi dhe për t’u larguar nga rutina. Nuk është arratisje, por pjesë e natyrës tënde emocionale: organizimi i diçkaje ndryshe, takimi me njerëz të rinj, ushqejnë shpirtin tënd.
Reflektim: Ndjen nevojën për hapësira personale dhe qetësi, aty ku fantazia merr jetë. Këto ditë mund të sjellin miqësi të veçanta, eksperienca të pazakonta që ushqejnë shpirtin artistik e shpirtëror. Vjeshta të përgatit për projekte të mëdha, të mbështetura nga Jupiteri. Aftësia për të dëgjuar veten është arma jote. Në dashuri, prano emocionet pa hezitim: nëse kërkon siguri, koha do ta sjellë. Ndjeshmëria jote është një dhuratë – përdore për të krijuar, për të frymëzuar të tjerët dhe për të jetuar çdo përvojë me intensitet.
