Ishte momenti më i lumtur për një të re 19-vjeçare. Ajo u bë nënë për herë të parë dhe solli në jetë binjakë. Por kishte një problem të vogël: nuk e dinte me saktësi kush ishte babai. Diçka që e zgjidhi me një test atësie, rezultati i të cilit i habiti të gjithë dhe që mjekët u detyruan t’ia shpjegonin.
Goiás, nëna braziliane me origjinë nga Mineiros, mbeti e shtangur nga rezultati. Bëhej fjalë për një fenomen tejet të pazakontë dhe të papritur, nga i cili ekzistojnë vetëm 20 raste të regjistruara në mbarë botën: vetëm një prej fëmijëve përputhej me burrin që ajo besonte se ishte babai. Foshnja tjetër kishte një baba tjetër. “Nuk e dija që kjo mund të ndodhte. Janë shumë të ngjashëm”, tha ajo për gazetën Globo.
Në atë moment, gruaja kujtoi diçka që e kishte harruar: ajo kishte pasur marrëdhënie seksuale me një burrë tjetër po atë ditë kur kishte mbetur shtatzënë. Pasi bëri testin e ADN-së së foshnjës tjetër me burrin e dytë, testi doli pozitiv. Kështu u konfirmua rasti i rrallë i “super fekondimit heteropaternal”, ku dy vezë fekondohen nga dy burra të ndryshëm, por zhvillohen në të njëjtën mitër.
Sipas mjekut Jorge Franco, foshnjat ndajnë materialin gjenetik të nënës, por zhvillohen në placenta të ndryshme, çka e bën rastin një kuriozitet të vërtetë mjekësor. Historia doli në pah pikërisht në të njëjtën kohë kur një grua britanike lindi binjakë nga etër të ndryshëm dhe me ngjyra lëkure krejt të ndryshme, një fenomen edhe më i pazakontë.
Reagimet në rrjetet sociale: Vetëm ajo e di çfarë ka ndodhur aty
Pasi lajmi u bë publik, rrjetet sociale shpërthyen me komente rreth asaj që mund të kishte ndodhur dhe sa i çuditshëm ishte rasti. Një përdorues i X.com shkroi:
“Vetëm ajo e di çfarë ka ndodhur aty. Unë mendoj se, pasi mbaroi punë me njërin, pa u larë, shkoi tek tjetri që e priste për të njëjtën gjë.”
Të tjerë menduan se rasti nuk është aq i rrallë sa duket:
“Ky mund të jetë i pari i bërë publik, por jo i pari që ka ndodhur.”
Sipas mjekut Jorge Franco, në botë janë regjistruar vetëm 20 raste të tilla.
