Moti do të jetë kryesisht me vranësira mesatare dhe të dendura, me periudha të shkurtra kthjellimesh. Reshje shiu priten nga mëngjesi, kryesisht të ulëta, por lokalisht deri mesatare.
Gjatë ditës reshjet do të jenë të herëpashershme, kryesisht në ultësirën perëndimore, me mundësi për shtrëngata dhe shkarkesa elektrike.
Në Alpe dhe në verilindje-lindje mbi 800–900 metra priten reshje bore të dobëta, ndërsa në zonat alpine herë pas here mund të ketë stuhi bore.
Temperaturat luhaten nga 9 deri në 12 °C.
