1
Ministri në detyrë i Financave, Punës dhe Transfereve, Hekuran Murati, ka akuzuar ish-opozitën se ka bllokuar shtetin.
Ai ka thënë se nuk votuan 4 miliardë euro buxhet për 2026, 1 miliard vlerë të marrëveshjeve ndërkombëtare, buxhetin e tri komunave 2025 dhe buxhetin për RTK-në.
Sipas tij, nuk i votuan “sepse menduan që duke e bllokuar shtetin e duke i lënë qytetarët pa paga, faji do t’i mbetej Albin Kurtit”.
“Nuk i votuan, jo se kishin ndonjë kundërshtim me përmbajtjen, por sepse menduan që duke e bllokuar shtetin e duke i lënë qytetarët pa paga, faji do t’i mbetej Albin Kurtit. Qytetarët do ta mbajnë mend këtë veprim destruktiv të partive opozitare dhe do t’ua tregojnë vendin me votë me 28 dhjetor”, ka shkruar Murati.
