1
Big Brother VIP Kosova ka marrë vendimin e madh për t’i dhënë fund aludimeve të Edit brenda shtëpisë.
Produksioni sapo ka njoftuar zyrtarisht se sonte në orën 20:00, banori do të përballet me realitetin. “Sot në ora 20:00 njihet me të vërtetën se ku është Dolce”, shkruhet në njoftimin e fundit të lëshuar në faqen zyrtare të BBVK.
Kjo pritet të jetë një nga momentet më të forta të edicionit. Edi, i cili ditët e fundit ka jetuar me shpresën dhe paqartësinë për vendndodhjen e saj, nuk e ka idenë më të vogël se Dolce ndodhet tashmë në “Grande Fratello” në Itali.
Më shumë se vendndodhja, goditja e vërtetë pritet të jetë fakti se ajo ka mohuar lidhjen me të dhe ka nisur dinamika të reja atje.
Nëse do t’i zbulohet, si do të reagojë Edi kur të kuptojë se “pritja” e tij ishte e kotë?
Komentet e ndjekësve parashikojnë një reagim të ashpër, madje dikush shkruan se “paska me thy derën”.
Mbetet të shihet në orën 20:00 nëse ky lajm do ta rrëzojë Edin moralisht apo do të ndryshojë komplet lojën e tij.
ks
