Martha Stewart ka këshilla për çdo rast, madje edhe për çfarë të vishni në një ndeshje basketbolli.
Ajo rrëfeu se gjatë një ndeshjeje Knicks–Pacers, lojtari Jalen Brunson i këputi gishtin e madh të këmbës ndërsa ajo ishte ulur në tribunë me sandale.
“Mos mbathni kurrë këpucë të hapura në një ndeshje kur jeni në dysheme”, tha Martha, duke shtuar se dhimbja u rrit sepse ndeshja shkoi në kohë shtesë dhe ajo nuk mund të ngrihej për të kujdesur për këmbën.
84-vjeçarja përshkroi momentin kur Jalen ra mbi gjunjët e saj: “Ai ra mbi mua dhe e kapa për krah. Ishte ftohtë si akulli, nuk ishte aspak i djersitur, shumë i qetë”.
Ajo tha se Jalen nuk e kuptoi menjëherë që i kishte thyer këmbën, shkruan E! News, transmeton KoosvaPress.
Si kompensim, Martha mori një top të firmosur për nipin e saj. Megjithatë, ajo vazhdon të mbështesë Knicks dhe madje ka marrë nipin e saj Truman në një tjetër ndeshje më parë këtë vit.
Pavarësisht incidentit të pakëndshëm, Martha vazhdon të shijojë ndeshjet e basketbollit.
