Një furrë buke në qytetin austriak të Klagenfurtit që shet çokollatë me lajthi të quajtur “Negerbrot” (që përndryshe është një term përçmues për një lloj buke) është akuzuar për racizëm, raporton gazeta Bild.
Në faqen e internetit të furrës së bukës, e themeluar në vitin 1763, kjo çokollatë shitet me një çmim prej 4.98 euro për 100 gramë.
Sipas zëdhënësit të furrës së bukës “Zerer”, kjo kompani e ka shitur këtë produkt prej vitesh si bukë me lajthi, dhe kjo është deklaruar edhe në recetë.
Megjithatë, produkti në shitjet e tyre online është etiketuar si “bukë nigeri me lajthi” me çokollatë dhe ofrohet me një afishe “Bestseller”.
Termi i kontestuar është ndryshe një term i përdorur për njerëzit me ngjyrë dhe tani konsiderohet racist dhe ofendues, sipas Bild.
Me këtë rast, furra e bukës njoftoi se produkti i tyre është njohur për shumë breza si “buka e Nigerit”, dhe se shoqërohet me fëmijërinë, dhe se nuk është nënçmues në asnjë rast.
Siç thanë ata, veçanërisht klientët e tyre më të vjetër e quajnë produktin me atë emër.
I gjithë rasti shkaktoi polemika në rrjetet sociale, me furrën e bukës që mori mbështetje, por më shumë kritika për mosndryshimin e emrit të produktit të saj.
