1
Pas suksesit të madh të varëseve Labubu, moda e vitit 2026 ka një fenomen të ri që po pushton rrjetet sociale, dyqanet online dhe gardërobat e të rinjve kudo në botë. Emri i saj është Mirumi, një lodër e vogël e butë që vendoset te çanta dhe që shumë shpejt mund të bëhet aksesor i pandashëm i stilit personal.
Mirumi është krijuar nga një kompani japoneze e specializuar në pajisje të lehta robotike dhe dallon nga kukullat e tjera falë një veçorie, ajo nuk është thjesht për zbukurim.
Me një sensor të vogël brenda, Mirumi reagon ndaj prekjeve apo zërit, duke lëvizur kokën si të ishte një krijesë e gjallë. Pamja e tij është po aq interesante sa funksioni: një përzierje e ëmbël mes një arushi të butë dhe një karakteri fantastiko-shkencor, i cili duket sikur vjen nga një film vizatimor.
Popullariteti i Mirumi-t nisi menjëherë pasi u prezantua në një panair teknologjie në Las Vegas, ku bëri për vete influencerët dhe pasionantët e modës.
TikTok dhe Instagram shpërthyen me video ku përdoruesit e lëviznin për ta parë reagimin e tij, ndërsa të tjerët e shfaqnin si aksesori i radhës që i jep personalitet çdo çante.
Ajo që e bën Mirumi-n tërheqës është fakti se kombinon modën me argëtimin, duke u kthyer në një “mik të vogël” që shpreh humor dhe bën lojë.
Mirumi do të jetë fillimisht i disponueshëm në internet, me prodhim të kufizuar dhe në ngjyra pastel shumë të buta si rozë, gri dhe bezhë. Shitja e tij pritet të nisë gjatë vitit 2026 dhe me një çmim rreth 100 euro.
Duke qenë se sasia është e vogël, pritet të shitet shpejt dhe të ketë të njëjtën fat si trendet virale të fundit: të shndërrohet në objekt koleksioni dhe të rikrijojë fenomenin “bleje tani ose ke humbur”.
@marielenoble2Le prochain Labubu ? Le robot duveteux « Mirumi » s’accroche à votre sac et bouge même la tête quand vous le caressez. Le petit robot duveteux « Mirumi » s’accroche à votre sac et bouge quand vous le caressez. Ce robot est présenté comme un « petit robot de compagnie qui illumine votre cœur par son expression innocente et adorable » et qui réagit aux sons et au toucher.
ks
