Tauant Seferi është futbollisti i cili ka “vjedhur” zemrën e qindra vajzave shqiptare, mirëpo a ka arritur ndonjëra prej tyre të “rrëmbejë” zemrën e tij? Këtë e ka zbuluar vetë lojtrari i Kombëtares në një intervistë për “Abc e Mëngjesit”. Ai ka treguar se shumë vajza i kanë shkruar, mirëpo deri tani asnjëra prej tyre nuk e ka zemrën e tij.
“I falenderoj të gjitha vajzat për mbështetjen. Jo nuk ma ka rrëmbyer ndonjëra zemrën. Me thënë të drejtën më kanë shkruar shumë vajza”, tha ai.
Ndër të tjera ai i është shprehur mirënjohës, trajnerit të Kombëtares, Sylvinho, pasi më herët shumë persona nuk kanë besuar te ai.
“Kur e bëra zëvendësimin, e përqafova sepse e meritoi përqafimin se i thash ‘Faleminderit që ke besim te unë’. Shpresoj t’ia kem shpërblyer sepse shumica nuk kanë besuar te unë dhe para ndeshjeve me Çekinë. Faleminderit zotit, ndihmova Kombëtaren dhe bëra krenare Shqiptarinë, familjen time dhe kjo më bën të lumtur. Për këtë arsye e përqafova dhe i thash ‘Faleminderit Mister, sepse veç ti ke besuar te unë’.
“Është një ndër motivuesit më të mëdhenj, që na motivon jashtëzakonisht ne. Na ka motivuar gjatë javës, është një punëtor shumë i madh. Edhe shikohet ai motivimi që na jep dhe në fushë, e keni dalluar dhe vetë që na bën të gjithëve të jemi një lojtar i vetëm. Ne jemi vërtet 23-25 lojtarë aty dhe asnjëri nuk dallon nga tjetri. Kjo besoj e ka bërë dhe ecurinë e mirë të Kombëtares”, u shpreh ai.
