Në fshehtësi të plotë dhe krejt papritur për publikun, Ardian Bujupi i dha fund beqarisë një vit më parë. Këngëtari i ka munguar fansave me intervista duke zgjedhur të vijë tek ta vetëm përmes muzikës.
As në rrjetet sociale ai nuk ka ndarë asnjëherë detaje lidhur me jetën personale. Por, ai u martua verën e kaluar në Gjermani me vajzën që i ka marrë zemrën në një ceremoni private me rrethin e ngushtë në shtetin gjerman.
Detajet që dihen rreth bashkëshortes së këngëtarit numërohen me gishtat e dorës. Ajo quhet Fjolla dhe jeton po ashtu në Gjermani.
Ardiani ka qenë gjithnjë diskret në lidhje me jetën e tij personale, duke mbajtur larg publikut detajet rreth marrëdhënies së tij.
Megjithatë, së fundmi ai ka folur për partneren në një intervistë për Top Albania Radio, duke thënë:
“Unë jam shumë i lumtur dhe e kam një shoqe shumë të kuptueshme. Ajo është në Prishtinë për momentin dhe unë në Tiranë. Kam qejf që të kemi dhe pak distancë sepse pastaj kur bashkohemi është e bukur”.
Pak ditë më parë dikush i shkroi në TikTok të publikojë një video me Fjollën dhe për herë të parë ai ka postuar një video me të ndonëse Fjolla nuk ka pranuar të shfaqet me portret.
lokimagazine
