Gjatë një dalje televizive vajza e gjeneralit Carlo Alberto Dalla Chiesa në “Tango” në Raidue, ka folur për vrasjen e babait të saj në Palermo në vitin 1982, duke theksuar se gjithmonë ka menduar se ishte një vrasje politike.
Deputetja e Forza Italia shkroi në një postim muajin e kaluar se babai i saj ishte vrarë “për t’i bërë një nder dikujt”. Dalla Chiesa nuk përmendi emra n programin televiziv, por tha se “është familja e një politikani dhe unë shmang të flas për të”.
“Ai ishte një person që kur babai im shkoi në Palermo, i tha: ‘Kujdes mos shko kundër rrymës sime sepse kushdo që e bën këtë kthehet gjithmonë në një arkivol’”, tha vajza e gjeneralit të vrarë. Pyetjes eksplicite të prezantueses “po sikur të them Andreotti?”, Dalla Chiesa nuk iu përgjigj, duke analizuar shprehjen e saj, Costamagna tha “një heshtje që më duket si pëlqim”.
Disa orë pas deklaratave të Rita Dalla Chiesa, iu bashkuan edhe ato të vëllait të saj Nando. “Jam dakord me atë që tha Rita. Ne gjithmonë bënim të njëjtat deklarata. Nuk e kam parë programin në të cilin ka marrë pjesë, por ajo m’i ka thënë të gjitha. Nuk e di, pas ca kohësh nëse gjërat kanë më shumë vlerë apo më pak.
Ekziston edhe masa e mundshme e asaj që mund të thuhet dhe njerëzit nuk duhet të humbasin inteligjencën për të kuptuar. Ne ende po paguajmë për atë që thamë. Varet nga njerëzit, mos e humbni inteligjencën për të kuptuar”, tha ai duke mos përmendur emra.
bal
